ബെംഗളൂരു : സംസ്ഥാനത്തെ വർഗീയ കലാപങ്ങൾക്ക് പിന്നിലെ ഘടകങ്ങളെ നിയന്ത്രിക്കാൻ കഴിയുന്നില്ലെങ്കിൽ മുഖ്യമന്ത്രി ബസവരാജ് ബൊമ്മൈ രാജിവെക്കണമെന്ന് പ്രതിപക്ഷ നേതാവ് സിദ്ധരാമയ്യ . വർഗീയ ഗുണ്ടകളുടെ കൈയിലെ കളിപ്പാട്ടമായി മുഖ്യമന്ത്രി മാറിയെന്നും കർണാടകയിലേക്ക് ഒഴുകുന്ന നിക്ഷേപങ്ങളെ വർഗീയ സംഘർഷങ്ങൾ ബാധിക്കുകയാണെന്നും അദ്ദേഹം കുറ്റപ്പെടുത്തി.
ധാർവാഡിൽ ശ്രീരാമസേന പ്രവർത്തകർ മുസ്ലീം തണ്ണിമത്തൻ കച്ചവടക്കാരുടെ കടയിൽ സാധനങ്ങൾ നശിപ്പിച്ച സംഭവത്തെ പരാമർശിച്ച് ശ്രീരാമസേനയുടെ ഗുണ്ടകളെ ജയിലിൽ അടയ്ക്കുന്നത് മുഖ്യമന്ത്രി ഉറപ്പാക്കണമെന്ന് സിദ്ധരാമയ്യ പറഞ്ഞു. ബൊമ്മൈക്ക് ഇതിന് കഴിവില്ലെങ്കിൽ കർണാടകയുടെ നേട്ടത്തിനായി രാജിവെക്കുന്നതാണ് നല്ലതെന്നും അദ്ദേഹം പറഞ്ഞു.
മുഖ്യമന്ത്രി ക്രമസമാധാന വകുപ്പ് സംഘപരിവാറിന്റെ ഗുണ്ടകൾക്ക് പുറംകരാർ നൽകിയെന്നും ശ്രീരാമസേനയിൽ നിന്നുള്ളവരെ കരാർ അടിസ്ഥാനത്തിൽ നിയമിച്ചെന്നും കോൺഗ്രസ് നേതാവ് ആരോപിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
